कास्की काँग्रेसले भन्यो – ‘सांसद धम्क्याउने गिरोहलाई कडा कारवाही होस्’

राष्ट्र न्यूज सम्वाददाता
माघ १८, २०७४
bindu thapa

पोखरा, १८ माघ। नेपाली काँग्रेस कास्कीले काँग्रेस नेता एवं प्रदेश नम्बर ४ का प्रदेशसभा सदस्य विन्दुकुमार थापालाई धम्क्याउने गिरोहलाई कडाभन्दा कडा कारवाही गर्न माग गरेको छ।

कास्की काँग्रेसको बिहीबारको बैठकले रकम असुल्ने नियतले सांसद थापालाई धम्क्याउने गिरोह समेत पक्राउ भैसकेकोभन्दै कडा कारवाही गर्न माग गरेको हो।

बैठकले कुनै पनि बहानामा गिरोह उम्कन नसक्ने गरी कारवाही प्रक्रिया अघि बढाउन प्रशासनको ध्यानाकर्षण गराएको जिल्ला सदस्य नवीन सिग्देलले जानकारी दिए। बैठकले सांसद थापाको सुरक्षालाई थप सुदृढ र प्रभावकारी बनाउन अनुरोध गरेको छ।

साथै बैठकले प्रदेशको राजधानी पोखरामा यस्ता गतिविधि हुनु निन्दनिय भएकोभन्दै आमनागरिकको जीउ÷धनको सुरक्षामा विशेष ध्यान दिन प्रशासनको ध्यानाकर्षण गराएको छ।

बैठकले केन्द्रीय कार्यसमितिको माघ ७ को परिपत्र अनुसार, गाउँ, नगर र क्षेत्रीय समितिलाई निर्वाचन केन्द्रीय भएर समीक्षा गरी जिल्ला कार्य समितिको फागुन ५ गतेको बैठक अगावै प्रतिवेदन पेश गर्न निर्देशन दिएको छ।

त्यस्तै, बैठकले २४ गतेको राष्ट्रिय सभा निर्वाचनमा चार नम्बर प्रदेशका उम्मेदबार सुरेन्द्र पाण्डे, बृन्दादेवी राना र जीतबहादुर नेपालीलाई विजयी गराउनका लागि अग्रसर बन्ने र क्षेत्रीय कार्यसमिति मार्फत क्रियाशील सदस्यता प्रमाण पत्र वितरण गर्ने निर्णय गरेको छ।

बैठक कास्की काँग्रेसका सभापति कृष्ण केसीको अध्यक्षतामा बसेको थियो।

Related News

सम्बन्धित समाचार

  • हिल प्वाइन्ट मा.विमा अभिभावक दिवस

    राष्ट्र न्यूज सम्वाददाता फागुन ६, २०८०
    पोखरा, ६ फागुन । पोखरा महानगरपालिका १२ माटेपानीमा रहेको हिल प्वाइन्ट मा.विको ४३ औं वार्षिकोत्सव तथा अभिभावक दिवस विविध कार्यक्रम…
  • कास्कीमा अफ्रिकन स्वाइन फिभर रोगको संक्रमण बढ्दो

    राष्ट्र न्यूज सम्वाददाता माघ २९, २०८०
    पोखरा, २९ माघ । कास्कीमा सुंगुर, बंगुर तथा बंदेल प्रजातिमा लाग्ने अफ्रिकन स्वाइन फिभर रोगको संक्रमण बढेको छ । पशुपन्छि…
  • सोंथर बेँसी मेलाको तयारी तिव्र

    राष्ट्र न्यूज सम्वाददाता माघ २५, २०८०
    पोखरा, २५ माघ । कास्कीको मादी गाउँपालिका वडा नं ८ नागीधार पाखुरीकोट र १० भाचोक गाउँको संगम बेँसीको रुपमा रहेको…
  • हेम्जा वोर्डिङको फागुनमा वार्षिकोत्सव

    राष्ट्र न्यूज सम्वाददाता माघ २१, २०८०
    पोखरा, २१ माघ । हेम्जा वोर्डिङ स्कुल पोखरा— २५ हेमजाले २८ औं वार्षिकोत्सव, अभिभावक दिवस मनाउने भएको छ । फागुन…
  • सोतीपसलको मंगला माविमा शिविर

    राष्ट्र न्यूज सम्वाददाता पौष २२, २०८०
    पोखरा, २२ पुस । लायन्स क्लब अफ पोखरा हिमालयनले नेपाल परिवार नियोजन संघ कास्कीको प्राविधिक सहयोगमा निःशुल्क यौन तथा प्रजनन्…

Archives

Archives