अचम्मै गरेछ त्यो खसीले

Avatar राष्ट्र न्यूज सम्वाददाता
माघ ६, २०७४
khassi

पोखरा / कलिलै उमेरमा श्रीमान बितेपछि पाँचजना सन्तानको पालनपोषणको जिम्मा उनको काँधमा आइपुग्यो । आफैले रोजेको खसम भारतीय थिए । नेपालमा जग्गा जमिन हुने कुरै भएन । गर्नु के ?

‘बिहान –बिहान साग बेच्न थालेँ, तर साग बोक्ने डोको पनि थिएन, ऋण पत्याउनु त परेको कुरा !’, पोखरा रामबजार निवासी जानु कपुरले अतित सम्झँदै भनिन्,‘बेस्सरी गाह्रो थियो, तरकारी बेच्ने तुलो काँटा पनि थिएन ।’

बिहान साग बेच्ने उनी दुई वर्ष पोखरा नयाँबजारमा आयोजना भएको राष्ट्रिय औद्योगिक व्यापार मेलामा आइन् । नाच्न जान्ने जानुले उत्कृष्ट नृत्य प्रस्तुत गरे बापत एउटा खसी उपहार पाइन् । मेलामा दैनिक सहभागी भई उत्कृष्ट नृत्य प्रस्तुत गर्नेलाई खसी उपहार राखिएको थियो ।

उनले खसी १३ हजारमा बेचिन् । ‘मैले खसी बेचेको पैसाले ढुकुटीको पैसा तिरेँ अनि त्यही पैसाले डोको, तरकारी जोख्ने तुलो काँटा पनि किनेँ ’, उनले थपिन्, ठूलो छोरो टायलको काम गथ्र्यो, उसलाई चाहिने सामान पनि जोडेँ ।’ अघिल्लो वर्ष पनि उनले नै खसी जितिन् । त्यो पैसा पनि व्यापारमै लगाइन् । ब्यापार चम्कँदै गयो । हिजो ५ हजार नपत्याउनेहरुले उनलाई तरकारीको डोको हेरेर नै १ लाख रुपैयाँसम्म पत्याउन थाले ।

अहिले उनी तरकारी र अण्डा बेचेर दैनिक एक हजारजति कमाउँछिन् । बैंकमा पैसा पनि राखेकी छिन् । उनले त्यो खसी उपहारले आफ्नो भाग्य नै बदलिएको बताउँदै भनिन्–‘अहिले मलाई सुखैसुख छ, शरीर पनि राम्रो भएको छ ।’ पोखरा उद्योग वाणिज्य संघले यो पटक पनि मेलामा उत्कृष्ट नृत्य गर्नेलाई एउटा ठूलो खसी उपहार दिने घोषणा गरेको छ । पहिले खसी जितेकी जानु अहिले पनि मेलामा सहभागी छिन् ।

स्रोत ः गण्डकन्यूज

Related News

सम्बन्धित समाचार

  • फेरि होला लकडाउन ?

    Avatar राष्ट्र न्यूज सम्वाददाता चैत्र ११, २०७७
    काठमाडौं : कोरोना भाइरस संक्रमण रोकथाम तथा नियन्त्रण गर्न लकडाउन गरिएको एक वर्ष पूरा भएको छ। सरकारले ठीक एक वर्षअघि चैत ११…
  • राष्ट्रपति भण्डारी बंगलादेश जाने

    Avatar राष्ट्र न्यूज सम्वाददाता फागुन २८, २०७७
    राष्ट्रपति विद्यादेवी भण्डारीले छिमेकी मुलुक बंगलादेशको भ्रमण गर्ने भएकी छन् । भण्डारीले चैत ९ र १० गते बंगलादेश भ्रमण गर्ने…
  • फेरी बढ्यो पेट्रोलियम पदार्थको मूल्य

    Avatar राष्ट्र न्यूज सम्वाददाता फागुन १८, २०७७
    भारतीय आयल निगमले पेट्रोलियम पदार्थको मूल्य फेरि बढाएर पठाएको छ। आइओसीले सोमबारदेखि लागू हुने गरी पेट्रोलियम पदार्थको मूल्य बढाएर पठाएको…
  • आज श्रीस्वस्थानी व्रत सकिदै

    Avatar राष्ट्र न्यूज सम्वाददाता फागुन १५, २०७७
    पोखरा, १५ फागुन । पौष शुक्ल पूर्णिमा दिनबाट शुरु भएको श्रीस्वस्थानी व्रत आज सकिदै छ । आजबाट श्रीस्वस्थानी परमेश्वरीको पुस्तकलाई…
  • बर्ड फ्लुको उच्च जोखिम

    Avatar राष्ट्र न्यूज सम्वाददाता फागुन १४, २०७७
    छिमेकी  जिल्ला सुर्खेतमा   समेत   बर्डफ्लु   भेटिएपछि   बाँके जिल्ला  सो रोगको  अत्यधिक  जोखिममा  रहेका बेलासमेत  भारतबाट  अवैध…

Trending