निर्माण व्यवसायीद्वारा आन्दोलनको चेतावनी, कारण यस्तो छ

राष्ट्र न्यूज सम्वाददाता
माघ ६, २०७४
stock-photo-united-people-labor-movement-worker-strike-election-movement-protest-illegal-election-concepts-602628911

पोखरा,६ माघ। नेपाल निर्माण व्यवसायी महासंघले इन्धन तथा प्रमुख निर्माण सामाग्रीमा अप्राकृतिक तथा अप्रत्याशित मूल्यवृद्धि गरेको भन्दै गम्भिर ध्यानाकर्षण जनाएको छ ।

देशको अर्थतन्त्रमा नै गम्भीर आघात पुग्ने गरी भएको यस्तो मूल्यवृद्धि अविलम्ब विना शर्त फिर्ता हुनुपर्ने महासंघले पोखरामा पत्रकार सम्मेलन गरी माग गरेको छ ।

महासंघका अध्यक्ष विष्णुभाइ श्रेष्ठले पत्रकारमाझ पाँच बुँदे मागबारे जानकारी गराउँदै निर्वाचन अघि र पछि छडको मूल्यमा १८ रुपैंयासम्म मूल्यवृद्धि, सिमेन्टमा २ सय, अलकत्रामा प्रतिकेजी १० रुपैंयासम्म वृद्धि गरिएकोमा १५ गतेभित्र फिर्ता लिन आग्रह गरे ।

‘हाल निर्माण व्यवसायीहरुबाटै विकास बजेटको लगभग ६० प्रतिशत रकम खर्च हुँदै आएको छ भने कृषि पछिको सबै भन्दा बढी लगभग ११ लाखलाई रोजगारी पनि यसै व्यवसायले दिँदै आएको छ ।’– अध्यक्ष श्रेष्ठले भने– ‘राष्ट्रिय अर्थतन्त्रमा ठूलो योगदान दिँदा दिँदै पनि निर्माण व्यवसायीहरु राज्यबाटै पीडित छन् ।’ उनले राज्यबाट संचालित भई सम्पन्न भइसकेका परियोजनाहरुको निर्माण कार्य बापतको भुक्तानी प्राप्त नहुँदा देशभरका व्यवसायीहरु अत्यन्त ठूलो मारमा परेको समेत जनाए ।

महासंघका अनुसार ४० देखि ४२ अर्ब रकम राज्यबाट प्राप्त हुन सकेको छैन । अर्थमन्त्रालयले ७ अर्ब हाराहारीमा मात्र दिने तयारी गरेको महासचिव रामशरण देउजाले जानकारी दिए । उनले मूल्यवृद्धि फिर्ता र राज्यले भुक्तानी नगरे महासंघ कडा आन्दोलनमा उत्रन बाध्य हुने बताए ।

Related News

सम्बन्धित समाचार

  • हिल प्वाइन्ट मा.विमा अभिभावक दिवस

    राष्ट्र न्यूज सम्वाददाता फागुन ६, २०८०
    पोखरा, ६ फागुन । पोखरा महानगरपालिका १२ माटेपानीमा रहेको हिल प्वाइन्ट मा.विको ४३ औं वार्षिकोत्सव तथा अभिभावक दिवस विविध कार्यक्रम…
  • कास्कीमा अफ्रिकन स्वाइन फिभर रोगको संक्रमण बढ्दो

    राष्ट्र न्यूज सम्वाददाता माघ २९, २०८०
    पोखरा, २९ माघ । कास्कीमा सुंगुर, बंगुर तथा बंदेल प्रजातिमा लाग्ने अफ्रिकन स्वाइन फिभर रोगको संक्रमण बढेको छ । पशुपन्छि…
  • सोंथर बेँसी मेलाको तयारी तिव्र

    राष्ट्र न्यूज सम्वाददाता माघ २५, २०८०
    पोखरा, २५ माघ । कास्कीको मादी गाउँपालिका वडा नं ८ नागीधार पाखुरीकोट र १० भाचोक गाउँको संगम बेँसीको रुपमा रहेको…
  • हेम्जा वोर्डिङको फागुनमा वार्षिकोत्सव

    राष्ट्र न्यूज सम्वाददाता माघ २१, २०८०
    पोखरा, २१ माघ । हेम्जा वोर्डिङ स्कुल पोखरा— २५ हेमजाले २८ औं वार्षिकोत्सव, अभिभावक दिवस मनाउने भएको छ । फागुन…
  • सोतीपसलको मंगला माविमा शिविर

    राष्ट्र न्यूज सम्वाददाता पौष २२, २०८०
    पोखरा, २२ पुस । लायन्स क्लब अफ पोखरा हिमालयनले नेपाल परिवार नियोजन संघ कास्कीको प्राविधिक सहयोगमा निःशुल्क यौन तथा प्रजनन्…