नेपाल संस्कृत युवा समूहको कार्यालय स्थापना

राष्ट्र न्यूज सम्वाददाता
माघ २, २०७४
20180116_141622

पोखरा, ३ पुस। नेपाल संस्कृत युवा समूहले पोखरा लेखनाथ महानगरपालिका वडा नं ९ मा कार्यालय स्थापना गरेको छ।

समूहका गतिविधि सहज ढंगबाट संचालन गर्नका लागि कार्यालय स्थापना गरिएको हो। युवा समाजसेवी समित केसीले मङ्गलबार कार्यालय उद्घाटन गरेका थिए।कार्यक्रममा उनले युवा शक्ति मुलुकको महत्वपूर्ण शक्ति भएकोभन्दै रचनात्मक र सकारात्मक काममा लगाउनुपर्नेमा जोड दिए।

समृद्वि फाउण्डेशन कास्कीका संयोजक ध्रुवप्रसाद सिग्देलले युवाको सहयोग र सक्रियतामा आर्थिक क्रान्ति सफल हुने बताए।

कार्यक्रममा नेपाल ज्योतिष परिषद् कास्कीका अध्यक्ष बासुदेव सुवेदी, राष्ट्रिय धर्म सभा नेपाल कास्कीका अध्यक्ष ठाकुर बराल, समूहका सल्लाहाकार गिरिधर आचार्य, शिक्षा तथा अनुगमन उपसमितिका संयोजक आशुतोष आचार्य, समूहका कोषाध्यक्ष विश्वराज सापकोटा र सदस्य विष्णु गौतम लगायतले बोलेका थिए।

नेपाल संस्कृत युवा समूहका अध्यक्ष रामप्रसाद सिग्देलको अध्यक्षतामा भएको कार्यक्रममा उपाध्यक्ष हरिशरण पौडेलले स्वागत र सचिव रामकृष्ण अर्यालले संचालन गरेका थिए।

कृषि क्रान्ति मार्फत युवाहरुलाई स्वरोजगार बनाउने, समाजमा चलिआएको धर्म, संस्कृतिको संरक्षण गर्ने, प्रदेश नं ४ मा सुविधा सम्पन्न धार्मिकसभा स्थापना गर्ने र सन्त सेवा आश्रम स्थापना गर्ने उदेश्यले नेपाल संस्कृत युवा समूह गठन गरिएको हो। समूहले छिट्टै सहकारी संचालन गर्ने लक्ष्य लिएको छ।

– केशिका गुरुङ
 

Related News

सम्बन्धित समाचार

  • महिला पुरुष सचेतना कार्यक्रम

    राष्ट्र न्यूज सम्वाददाता माघ १७, २०७९
    पोखरा, १७ माघ । लैगिंक हिंसा विरुद्ध पुरुषहरुको ऐक्यवद्धता महिला पुरुष सचेतना कार्यक्रम पोखरा महानगर वडा नम्वर ७ मा सम्पन्न…
  • संस्थापक अध्यक्ष पौडेलको स्मृतिमा अक्षय कोष स्थापना गरिने

    राष्ट्र न्यूज सम्वाददाता माघ ९, २०७९
    पोखरा, ९ माघ । नेपाल पत्रकार महासंघ गण्डकी प्रदेश समितिले संस्थापक अध्यक्ष स्वर्गीय त्रिभुवन पौडेलको स्मृतिमा अक्षयकोष स्थापना गर्ने भएको…
  • विविध कार्यक्रम गरी राष्ट्रिय वाणिज्य बैंक ४८ औं वार्षिकोत्सव मनाउँदै

    राष्ट्र न्यूज सम्वाददाता माघ ४, २०७९
    पोखरा, ४ माघ । राष्ट्रिय वाणिज्य बैंक लिमिटेडको ५८ औं वार्षिकोत्सवका अवसरमा विविध कार्यक्रम गरिएको छ । विविध कार्यक्रम अन्तर्गत…
  • शव कुर्दै आफन्त

    राष्ट्र न्यूज सम्वाददाता माघ २, २०७९
    पोखरा, २ माघ । पोखरा स्वास्थ्य विज्ञान प्रतिष्ठान(पश्चिमाञ्चल क्षेत्रीय अस्पताल) परिसर विगत दुई दिन देखि शोकमा डुबेको छ। पोखरामा आइतबार…
  • आँखा शिविरबाट दुई सय २० जना लाभान्वित

    राष्ट्र न्यूज सम्वाददाता पौष २७, २०७९
    पोखरा,२७ पुस । लायन्स क्लब अफ पोखरा लेकसिटी तथा दृष्टिविहीन कल्याण संघ कास्कीको संयुक्त आयोजनामा पर्वत जिल्ला कुश्मा नगरपालिकाको शिवालय…