सावधान है, यस्तोसम्म हुन्छ पानीपुरी र चटपटेमा

Avatar राष्ट्र न्यूज सम्वाददाता
पौष २६, २०७४
hqdefault

उपभोक्ताले उपभोग गर्ने पानीपुरी र चटपटेमा गुणस्तरहीन तेल प्रयोग हुने गरेको प्रमाण फेला परेको छ । अनुगमनकारी निकाय वाणिज्य तथा आपूर्ति व्यवस्थापन विभागले मंगलबार अनुगमन गरी पानीपुरी र चटपेटमा राख्न लागि ठिक्क पारेको कुहिएको तेल बरामद गरेको हो । विभागको अनुगमन टोलीले चाबहिलस्थित भत्केको पुलछेउमा रहेको कवाडी पसलमा गुणस्तरहीन तेल पानीपुरी र चटपटेमा राख्न खरिद–बिक्री भइरहेको अवस्थामा भेट्टाएको हो । अनुगमन निरीक्षक दीपक पोख्रेलले उजुरीका आधारमा कवाडी पसलमा छापा मारेको बताए ।

‘पानीपुरी र चटपटेमा हाल्ने भन्दै मोबिलजस्तो कालो तेल जर्किनमा खरिद–बिक्री भइरहेको अवस्थामा फेला पारेका हौँ,’ उनले भने । म्याद सकिएर कुहिएका तेलको प्याकेट खोलेर जर्किनमा हाल्ने र प्रतिजर्किन ३ सयदेखि ४ सय रुपैयाँमा पानीपुरी र चटपटे व्यवसायीलाई बिक्री गर्ने गरेको उनले बताए । ‘अनुगमनस्थलमा उत्तम, बिगुल, गंगा, सौभाग्यलगायत बजारमा नामै नसुनेका ब्रान्डका तेलको प्याकेट भेटिएको थियो, प्याकेटको लेबलमा हेर्दा धेरै वर्ष पुरानो मिति रहेको थियो,’ पोख्रेलले भने, ‘केहीमा त उपभोग्य मिति नै थिएन । र, तेल निकै कालो देखिन्थ्यो ।’

त्यस्तो तेल उपभोगहीन भए पनि पानीपुरी र चटपटे व्यवसायीले प्रयोग गरी जनस्वास्थ्यमा ठूलो लापरबाही गर्दै आएको उनले बताए ।

तीनलाई पक्राउ गरी प्रहरीको जिम्मा लगाइयो

कवाडी पसलमा स्वास्थ्यलाई हानि गर्ने तेल बिक्री गर्ने कवाडी सञ्चालक राजेश चौरासियाकी श्रीमती सरितालाई पक्राउ गरी अनुगमन टोलीले गौशाला प्रहरीलाई जिम्मा लगाएको छ । त्यस्तै, खरिद गर्न गएका रामसहरत साह र बालेश्वर साहलाई पनि पक्राउ गरी प्रहरीको जिम्मा लगाइएको छ । उनीहरूलाई कालोबजार तथा केही अन्य सामाजिक अपराध तथा सजाय ऐन, ०३२ अनुसार कारबाही गर्न प्रहरीको जिम्मा लगाइएको निरीक्षक पोख्रेलले बताए । उनीहरू सबै भारतको मोतिहारी स्थायी घर भएका नागरिक हुन् ।

स्रोतः नयाँपत्रिका

Related News

सम्बन्धित समाचार

  • फेरि होला लकडाउन ?

    Avatar राष्ट्र न्यूज सम्वाददाता चैत्र ११, २०७७
    काठमाडौं : कोरोना भाइरस संक्रमण रोकथाम तथा नियन्त्रण गर्न लकडाउन गरिएको एक वर्ष पूरा भएको छ। सरकारले ठीक एक वर्षअघि चैत ११…
  • राष्ट्रपति भण्डारी बंगलादेश जाने

    Avatar राष्ट्र न्यूज सम्वाददाता फागुन २८, २०७७
    राष्ट्रपति विद्यादेवी भण्डारीले छिमेकी मुलुक बंगलादेशको भ्रमण गर्ने भएकी छन् । भण्डारीले चैत ९ र १० गते बंगलादेश भ्रमण गर्ने…
  • फेरी बढ्यो पेट्रोलियम पदार्थको मूल्य

    Avatar राष्ट्र न्यूज सम्वाददाता फागुन १८, २०७७
    भारतीय आयल निगमले पेट्रोलियम पदार्थको मूल्य फेरि बढाएर पठाएको छ। आइओसीले सोमबारदेखि लागू हुने गरी पेट्रोलियम पदार्थको मूल्य बढाएर पठाएको…
  • आज श्रीस्वस्थानी व्रत सकिदै

    Avatar राष्ट्र न्यूज सम्वाददाता फागुन १५, २०७७
    पोखरा, १५ फागुन । पौष शुक्ल पूर्णिमा दिनबाट शुरु भएको श्रीस्वस्थानी व्रत आज सकिदै छ । आजबाट श्रीस्वस्थानी परमेश्वरीको पुस्तकलाई…
  • बर्ड फ्लुको उच्च जोखिम

    Avatar राष्ट्र न्यूज सम्वाददाता फागुन १४, २०७७
    छिमेकी  जिल्ला सुर्खेतमा   समेत   बर्डफ्लु   भेटिएपछि   बाँके जिल्ला  सो रोगको  अत्यधिक  जोखिममा  रहेका बेलासमेत  भारतबाट  अवैध…

Trending