हात्ति सयर गरेर पोखरा महोत्सव हेर्न पाईने, को को आउनुहुन्छ ?

राष्ट्र न्यूज सम्वाददाता
पौष २६, २०७४
elephant

पोखरा, २६ पुस। पोखरामा पुस २७ देखि माघ ८ गतेसम्म हुन लागेको आठौं पोखरा महोत्सवको तयारी पूरा भएको छ।

आयोजक युनाइटेड क्लबले पोखरामा मङ्गलबार पत्रकार सम्मेलन गरी महोत्सवको तयारी पूरा भएको जनाएको छ।महोत्सव पोखरा अमरसिंहचौरमा हुने छ।

 महोत्सवको सवै तयारी पूरा भएको छ क्लबका महासचिव राजु श्रेष्ठले भने – ‘विगतका वर्षहरुमा झै यसपटक पनि साथ र सहयोगको अपेक्षा गरेका छौं।’

 उनले पोखरा महोत्सवको आम्दानी समाजकै हितका लागि शिक्षा, स्वास्थ्य र पर्यटनमा खर्च गरिने भएकाले अरु महोत्सवभन्दा पोखरा महोत्सवले छुट्टै महत्व बोकेको दाबी गरे।

विगत आठ वर्षदेखि शिक्षा, स्वास्थ्य र पर्यटन विकासका लागिभन्दै क्लबले महोत्सव गर्दै आइरहेको छ। कला, संस्कृति, भेषभुषा संरक्षण, सूचना प्रविधि बारे सर्वसाधारणलाई जानकारी गराउँने, प्रतिभा प्रस्फुटन, विभिन्न उत्पादनको बजारिकरणमा सघाउने जस्ता उदेश्यले महोत्सव गर्न लागिएको हो।

महोत्सवमा कृषि, पर्यटन, अटो र विभिन्न उत्पादनसँग सम्वन्धीत दुई सय ३५ स्टल रहने छन्। महोत्सव अवधीभर दिउँसो विभिन्न कलाकारले सांस्कृतिक कार्यक्रम र साँझ लाइभ पप कन्सर्ट हुनेछ।

 प्रदेश स्तरीय लोक दोहारी गित प्रतियोगिता, बाल उद्यान, हस्तकला, औद्योगिक उत्पादन, कृषि – अटो मेला महोत्सवको आकर्षणका रुपमा रहने छन्।

यसपटक नयाँ आकर्षणका रुपमा हात्ति सयर कार्यक्रम थप गरिएको छ। महोत्सवमा आउँनेहरुले हात्ति सयर गरी मनोरञ्जन लिन सक्ने छन्। बुधबार साँझसम्म हात्ति पोखरा ल्याइसक्ने आयोजकको भनाइ छ।

महोत्सव झण्डै दुई लाख ५० हजार दर्शकले अवलोकन गर्ने र १२ करोडको कारोबार हुने आयोजकको अपेक्षा छ। महोत्सवबाट एक करोड १४ लाख आम्दानी, ७९ लाख खर्च हुने र ३५ लाख बचत हुने अनुमान छ।

महोत्सव प्रवेशका लागि सर्वसाधारणलाई ८० र विद्यार्थीलाई ५० रुपैयाको टिकट व्यवस्था गरिएको छ। प्रत्यक टिकट विक्रीको एक रुपैया सेती नदी संरक्षणका लागि प्रदान गरिनेछ।

युनाइटेड क्लबका अध्यक्ष सुकबहादुर गुरुङको अध्यक्षतामा भएको कार्यक्रममा प्रथम उपाध्यक्ष लालकाजी गुरुङले स्वागत र महासचिव राजु श्रेष्ठले संचालन गरेका थिए।

क्लबकै पहलमा पोखरा लेखनाथ महानगरपालिका वडा नं ३१ मा चिडियाखानका लागि आवश्यक पुर्वाधार तैयार भैरहेको छ। महोत्सवको आम्दानीबाट चिडियाखानका लागि क्लबले ३५ लाख ८५ हजार हजार रुपैया खर्च गरिसकेको छ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…