पुल उद्घाटनगर्दै सांंसद अधिकारीले भने – ‘अबको पाँच वर्ष बामगठबन्धनलाई’

राष्ट्र न्यूज सम्वाददाता
पौष २४, २०७४
chor sanghu 3

पोखरा, २४ पुस । प्रतिनिधिसभाका सदस्य रविन्द्र अधिकारीले पोखरा लेखनाथ महानगरपालिकाको वडा नं ७ र १५ लाई जोड्ने चोरसाँघुस्थित सेती नदी माथि वनेको पक्की पुलको सोमबार उद्घाटन गरेका छन्।

स्थानीय पूर्वाधार विकास तथा कृषि सडक विभाग र जिल्ला समन्वय समितिको कूल .एक करोड ६० लाख ८९ हजार ८५६ को लागतमा पक्की पुल निर्माण गरिएको हो ।

२९.९ मिटर लम्बाई र सात मिटर चौडाई रहेको सो पुल निर्माणमा स्थानीय पूर्वाधार विकास तथा कृषि सडक विभागको ७० र जिल्ला समन्वय समिति कास्कीको ३० प्रतिशत लगानी छ।सो पुल निर्माणसँंगै महानगरपालिकाको वडा नं ७,९,१४,१५ र १७ का स्थानीय जनतालाई आवागमनमा सुविधा पुगेको छ ।
पक्की पुलको उद्घाटनपछि बोेल्दै प्रतिनिधिसभाका सदस्य अधिकारीले निर्वाचनपछि वामगठवन्धनले पाँच वर्ष सरकार चलाउन जनादेश प्राप्त गरेको बताए। उनले वामगठवन्धनको सरकारले राम्रो काम गरे अर्को पटकको निर्वाचनमा निरन्तरता पाउने तथा राम्रो काम नगरे हराउनु पर्ने उल्लेख गरे।

प्रदेशसभाका सदस्य कृष्ण थापाले राजनैतिक क्रान्ति सकिएकोले अव विकास र आर्थिक सम्वृद्धिको युग भएकोले नेपाली जनतालाई सुख र शान्ति दिनुपर्ने उल्लेख गरे।

जिल्ला समन्वय समिति कास्कीका संयोजक बयन वहादुर क्षेत्रीको अध्यक्षतामा भएको कार्यक्रममा पूर्व सांंसद शारदा पौडेल, प्रमुख जिल्ला अधिकारी तारानाथ अधिकारी, स्थानीय पूर्वाधार विकास तथा कृषि सडक विभागका महानिर्देशक जीवन कुमार श्रेष्ठ, वडाध्यक्षहरु प्रकाश पौडेल, रामचन्द्र बराल, जिल्ला ईन्जिनियर नारायण बरालले बोलेका थिए।

Related News

सम्बन्धित समाचार

  • सच्चाइमा सम्मान

    राष्ट्र न्यूज सम्वाददाता असार १९, २०७९
    पोखरा, १९ असार । ईश्वरीय मार्ग भजन मण्डल सच्चाइ केन्द्र नेपाल पोखरा १३ काँहुखोला शाखाले शनिवार सम्मान कार्यक्रम गरेको छ…
  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…