युवा बेरोजगार भत्ता माग गर्दै नेविसंघ

Avatar राष्ट्र न्यूज सम्वाददाता
पौष २४, २०७४
20140309nsu-demands-immediate-release-of-its-leaders-300×0

काठमाडौं – युवा बेरोजगार भत्ता व्यवस्थाको माग गर्दै नेपाल विद्यार्थी संघले प्रधानमन्त्री शेरबहादुर देउवासामु आठ बुँदे ज्ञापन पत्र बुझाएका छन् ।

सोमबार नेविसंघका अध्यक्ष नैनसिंह महरको नेतृत्वमा गएको टोलीले प्रधानमन्त्री शेरबहादुर देउवालाई भेटेर संविधान–२०७२ को भाग ३ को धारा ३५ ले व्यवस्था गरेको मौलिक हकअन्तर्गत नियमित विद्यार्थीलाई निःशुल्क स्वास्थ्य बीमाको व्यवस्था गर्न माग गरेको हो ।

यस्तै संविधानको भाग ३ को धारा ३३ अनुसार युवा बेरोजगारीलाई बेरोजगार भत्ता दिनुपर्ने, प्राविधिक उच्च शिक्षाको ग्यारेण्टी गर्न एक/एक मेडिकल कलेज, इञ्जिनयर कलेज, कृषि क्याम्पस तत्काल स्थापना गनुपर्नेमा पनि जोड दिइएको छ ।

नेविसंघले सबै क्याम्पसमा विद्युतीय पुस्तकालयको व्यवस्था हुनुपर्ने, लाभधाङ्कपत्र धितो राखेर सहुलियत ऋण लिन पाउनुपर्ने, प्रत्येक वडामा दुई/ दुईवटा बालविकास केन्द्र स्थापना गर्नुपर्ने, निर्वाचनमा घाइते भएका नेविसंघ केन्द्रीय सदस्य मीरा कटुवालको उपचार तथा क्षतिपूर्ति तत्काल व्यवस्था गर्न माग पनि गरेको छ ।

भेटमा प्रधानमन्त्री देउवाले विद्यार्थीले शिक्षा र स्वास्थ्यको विषयमा राखेको माग जायज भएकाले यसमा छलफल गर्ने प्रतिबद्धता व्यक्त गर्नुभएको नेविसंघ नैनसिंह महरले जानकारी दिए।

नेविसंघले आफूहरुले राखेको माग सुनुवाइ नभए हस्ताक्षर संकलन, जिल्ला प्रशासन कार्यालयमा ज्ञापनपत्र बुझाउने, धर्ना तथा दबाब र्यालीलगायतका कार्यक्रम गर्ने जनाएको छ ।

स्रोतः नागरिकन्यूज

Related News

सम्बन्धित समाचार

  • भावी समीकरणमा कांग्रेस निर्णायक

    Avatar राष्ट्र न्यूज सम्वाददाता फागुन १३, २०७७
    नेकपा विभाजन ओलीकै कारणले मात्रै हुन सक्छ भन्ने बुझाइले देउवाले उनीसँगकै सहकार्यलाई प्राथमिकता दिँदै आएका छन् संसदीय प्रक्रियालाई अघि बढाउने…
  • कोरोना उपचारमा खटिने रित्तै, अन्यले लिए भत्ता

    Avatar राष्ट्र न्यूज सम्वाददाता फागुन १०, २०७७
    काठमाडौँ — कोरोना संक्रमितको उपचारमा संलग्न देशभरका स्वास्थ्यकर्मी सरकारले तोकेको जोखिम भत्तासमेत नपाएको भन्दै आन्दोलनमा छन् । स्वास्थ्य मन्त्रालयका पदाधिकारी र…
  • लायन्स क्लबद्वारा वृक्षरोपण

    Avatar राष्ट्र न्यूज सम्वाददाता श्रावण ४, २०७७
    पोखरा, ४ साउन । लायन्स क्लब अफ पोखरा माउन्टेन भ्युसिटिले वृक्षरोपण गरेको छ । क्लबले पोखरा १९ पुरुन्चौरस्थित धारा आधारभूत…
  • तीन तहका सरकार असफल भएको कास्कीका पाँच दलको ठहर

    Avatar राष्ट्र न्यूज सम्वाददाता जेठ २८, २०७७
    पोखरा, २८ जेठ । कास्कीका पाँच राजनीतिक दलले तीन तहका सरकार कोरोना नियन्त्रण, रोकथाम र आवश्यक व्यवस्थापनमा असफल भएको ठहर…
  • कास्की काँग्रेसद्वारा गिरफ्तार विद्यार्थी रिहा गर्न माग

    Avatar राष्ट्र न्यूज सम्वाददाता श्रावण १, २०७६
    नेपाली काँग्रेस कास्कीले मङ्गलवार विज्ञप्ति प्रकाशित गरी प्रहरीले गिरफ्तार गरेका नेपाल विद्यार्थी संघका विद्यार्थी नेतालाई तत्काल रिहा गर्न माग गरेको…