पोखरामा ब्राह्मण समूहले चिया,पानीपुरी र चटपट बेचेर बिपन्न विद्यार्थीका लागि रकम संलकन गर्ने

Avatar राष्ट्र न्यूज सम्वाददाता
पौष ७, २०७४
24900079_1182326648534413_5779728431446368140_n

पोखरा, ७ पुस। फेसबुकमा संगठित ब्राह्मण समूहले पहिलो वार्षिकोत्सवको अवसरमा पोखरामा शनिवार कार्यक्रम गर्दैछ।

पोखरा र आसपास रहेका सदस्यहरुलाई साथमा लिएर सो समूहले चिया, पानीपुरी र चटपट बेच्ने कार्यक्रम गर्न लागेको हो। कार्यक्रमबाट पैसा संलकन गरी बिपन्न विद्यार्थीलाई न्यायो कपडा वितरण गर्ने उदेश्य रहेको छ।

करिब १०÷१५ जनाको समूहले बिहान ६ देखि १० बजेसम्म पोखराको पृथ्वीचोकमा चिया र मध्यान्ह १२ बजेदेखि साँझसम्म पोखराको नयाँबजारस्थित प्रदर्शनी केन्द्रमा पानीपुरी र चटपट बेच्ने छन्।

पोखरामा आयोजना गर्न लागिएको कार्यक्रमको तयारी पूरा भएको समूहका सदस्य पोखरा प्रतिनिधि शिव भण्डारीले जानकारी दिए।

एक बर्षअघि कपिलबस्तुका आदित्य अर्यालले शुरु गरेको ब्राह्मण समूहमा हाल एक लाख ८० हजार सदस्य छन्।

फेसबुकका माध्यमबाट संगठित भई आपसी सद्भाव बढाउन र सामाजिक कार्य गर्नका लागि समूह गठन भएको थियो।

Related News

सम्बन्धित समाचार