एमालेलाई धुलो चटाउनु पर्छ ः बरिष्ठ नेता पौडेल

राष्ट्र न्यूज सम्वाददाता
मंसिर ७, २०७४
1

सुन्दरबजार (लमजुङ), ६ मंसिर । नेपाली काँग्रेसका बरिष्ठ नेता रामचन्द पौडेलले एमालेलाई धुलो चटाउन आग्रह गरेका छन् ।

एमालेले संसदीय व्यवस्थालाई वेवास्ता गर्न र एकदलीय व्यवस्था लाद्न खोजेकाले जनताले धुलो चटाउनुपर्ने उनको भनाई थियो।

उनले संसारमा थोत्रो भएर फालिएको कम्युनिष्ट व्यवस्थालाई नेपाली जनताले स्वीकार्न नसक्ने उल्लेख गरे।

नेपाली काँग्रेस सुन्दरबजार नगरपालिकाले खत्रीठाँटीमा आयोजना गरेको कार्यक्रममा बोल्दै बरिष्ठ नेता पौडेलले बाम गठबन्धनले संसदीय व्यवस्थाको विकल्प खोज्न खोजेको आरोप लगाए।

‘महेन्द्रले पनि संसदीय व्यवस्था खोस्न खोजेका थिए, कम्युनिष्टले पनि संददीय व्यवस्था खोस्न खोजेका छन्, यो व्यवस्था कुनैपनि हालतमा खोसिँदैन’–बरिष्ठ नेता पौडेलले भने।

उनले बहुदल भन्ने तर मुलुकमा एकदलीय व्यवस्था लागू गर्न खाज्ने कम्युनिष्टलाई देश र जनताको माया नभएको बताए। बरिष्ठ नेता पौडेलले राष्ट्रलाई बलियो र उन्नती गर्न काँग्रेस आवश्यक भएकोमा जोड दिए।

मुलुकका हरेक परिवर्तनको नेतृत्व काँग्रेसले गरेको भन्दै अब सम्बृद्व राष्ट्र निर्माणको नेतृत्वपनि काँग्रेसले गर्ने उनको भनाइ छ।

काँग्रेस केन्द्रीय सदस्य गोविन्द भट्टराईले लमजुङको विकास काँग्रेसले गरेको भन्दै काँग्रेसलाई विजयी गराउन आग्रह गरे।

नेता दिलबहादुर घर्तीले मुलुकमा लोकतन्त्रको विकल्प नभएको बताए।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…