उम्मेदवार भोट माग्न ब्यस्त

राष्ट्र न्यूज सम्वाददाता
कार्तिक २८, २०७४
kaski 1

पोखरा, २८ कात्तिक।

‘आयौं आयौं काँग्रेसको भैलो
भोट माग्न हजुरको घरदैलो।’
यतिबेला किसान खेतमा व्यस्त रहँदा उम्मेदवार भने सांगितिक कार्यक्रम गर्दै घरदैलोमा पुगिरेहका छन् । किसानलाई धान थन्क्याउने माचोमा उम्मेदवारहरु भोट फकाउन घर, खेतबारी सबै तिर धाउन थालेका छन् ।

विहानैदेखि कानुनमन्त्री तथा कास्की क्षेत्र नम्बर १ का प्रतिनिधिसभा सदस्य उम्मेदवार यज्ञबहादुर थापाले घरदैलो थालेका छन् । किसान खेतबारीमा पस्नु अगावै उनले घरमै पुगेर रुखमा भोट माग्दा धान थन्क्याउन खेत हिडेका स्थानीय बासिन्दा भने एकछिन रोकिएर मन्त्री थापाको अनुरोध सुनिरहे । आफनो घरमै मन्त्रीलाई देख्दा सर्वसाधारण समेत छक्क परे । कार्यकर्ता समेतको हुल बाँधेर घर घरमा पुग्दा काँग्रेसको जनलहर नै आएको अनुभूति भएको थियो ।

चोकमा भिड भएका सर्वसाधारणदेखि होटलमा चिया गफमा व्यस्त भएका नै किन नहोस् आफुलाई भोट माग्न मन्त्री थापा पक्की कच्ची सबै खाले बाटोमा हिडिरहेका छन् । उनका पछाडि कार्यकर्ताले सांगितिक माहौल जमाउँदै स्थानीय बासिन्दालाई आर्कषित बनाईरहेका छन् ।

महानगरपालिकाकै दुर्गम मानिएको वडा नं १४ को खाल्टे मसिनामा कार्यकर्ता गीत गाउँदै अगाडि अगाडि, मन्त्री थापा र नेपाली काँग्रेस कास्कीका सभापति तथा क्षेत्र नम्बर १ (ख) का उम्मेदवार कृष्णबहादुर केसी पछि पछि दुईहात जोड्दै घरभित्र पुगेर रुखमा भोट मागे । ‘यसपटक रुखमै भोट दिनोस् ।’ मन्त्री थापाले भनिरहेका थिए– ‘विकासको कामको जिम्मेवारी काँग्रेसले लिन्छ । समृद्ध बनाउने अभियानमा सँधै लागिपर्छ ।’

कास्की प्रतिनिधि सभा क्षेत्र १ का सदस्य उम्मेदवार थापाले खाल्टे मसिनामा पुगेर जनताको चाहनालाई आत्मसात गर्दै महानगरपालिकाको शहरी क्षेत्र भएपनि पिछडिएको ठाँउमा आफुले नमूना बनाउने समेत प्रतिबद्धता जनाए । प्रदेश (ख) का उम्मेदवार कृष्ण केसीले पनि समृद्ध पोखरा निर्माण काँग्रेसको एजेण्डा भएको बताए ।

‘हामी आश्वासन दिदैनौं । काम गरेर देखाउँछौं ।’ उनले भने– ‘हाम्रो विकास हामीले नै गर्ने हो बाहिरका व्यक्तिले आएर गर्दैन् ।’ स्थानीय तह नेपाली काँग्रेस कास्कीको उपमेयर उम्मेदवार समेत रहेकी सरस्वती गुरुङले निर्वाचनको कमाण्ड सम्हालेकी छिन् । क्षेत्र नम्बर १ का काँग्रेसी उम्मेदवारहरु यतिबेला घरदैलो मै ब्यस्त छन् । विभिन्न वडा, टोल र बस्तीका घरघरमै पुगेर उनीहरु काँग्रेसको चुनाव चिन्ह रुखमा भोट मागिरहेका छन् ।

Related News

सम्बन्धित समाचार

  • सराङकोटमा तीज मेला हुने

    राष्ट्र न्यूज सम्वाददाता श्रावण ३१, २०७९
    पोखरा, ३१ साउन ।‘लोक कला संस्कृतिको संरक्षण र पर्यटन प्रवद्र्वनमा हाम्रो अभियान’ भन्ने मूल नाराका साथ पोखरा – १८ सराङकोटमा…
  • कास्कीमा थपिए ११ हजार मतदाता

    रासस श्रावण २९, २०७९
    कास्की,२९ साउन(रासस) :आगामी प्रतिनिधिसभा र प्रदेशसभा निर्वाचनका लागि कास्कीमा ११ हजार एक सय ४२ मतदाता थपिएका छन् । प्रदेश निर्वाचन…
  • श्री कृष्ण प्रणामी मन्दिरमा रक्षाबन्धन विशेष कार्यक्रम हुँदै

    राष्ट्र न्यूज सम्वाददाता श्रावण २६, २०७९
    पोखरा, २६ साउन । रक्षाबन्धनको अवसरमा पोखरा – ८ रत्नचोकस्थित श्री कृष्ण प्रणामी मन्दिरमा शुक्रबार रक्षाबन्धन विशेष कार्यक्रम हुने भएको…
  • अग्नी ग्रुपको २ एस सर्भिस सेन्टर पोखरामा

    राष्ट्र न्यूज सम्वाददाता श्रावण २३, २०७९
    पोखरा, २३ साउन । पोखरा – ५ पस्र्याङमा २ एस सर्भिस सेन्टर पोखरा अटो वर्कस संचालनमा ल्याइएको छ । नेपालका…
  • आयोजना सकियो पानी आएन

    रासस श्रावण २३, २०७९
    गलकोट, २३ साउन (रासस) ः बागलुङ नगरपालिका–१ माझी बस्तीमा खानेपानीको अभाव भएको छ । माझी बस्तीका स्थानीयले अहिले कालीगण्डकी किनारबाट…