नेपाली भुमिमा बेलायतीको श्रम

राष्ट्र न्यूज सम्वाददाता
कार्तिक २७, २०७४
DSC01230

पोखरा, २७ कात्तिक। असोज २३ गते सोमबार ४४ जनाको संख्यामा रहेको
बेलायती टोली पोखरा लेखनाथ महानगरपालिका वडा नं २० को मौजामा पुग्यो।

त्यति ठूलो संख्यामा एकैपटक बेलायती नागरिक मौजा पुगेपछि मौजाबासि
अचम्ममा परे। तर त्यो टोलि मौजाको हिमायल माविमा पुगेर जब धमाधम काम
गर्न थाले तब मौजाबासि दंग नै परे। देख्ने वित्तिकै त लाग्यो उनीहरु मौजा
घुम्न आएका होलान् तर कुरा त्यसो रहेनछ एक स्थानीयले भने– ‘जब उनीहरुले
बन्दै गरेको विद्यालय भवनका लागि काम गरे हामी त दंग प¥यौ।’

मौजा पुगेको बेलायती टोली पाँच दिनसम्म विद्यालय भवन निर्माणमा
श्रमदान गरी बेलायत फर्केको छ। पोखरामा रहेको पाहार ट्रष्ट नेपाल
र बेलायतको च्यारिटी च्यालेञ्ज संस्थाको समन्वयमा विद्यालय भवनका लागि श्रमदान
गर्न बेलायती टोलि मौजा पुगेको हो।

उनीहरु श्रमदान गर्न पुगेपछि स्थानीयपनि श्रमदान गर्न झनै उत्साहित बने। मौजामा पुगेर पाँच दिनसम्म श्रमदानगर्न पाउँदा बेलायती नागरिकले पनि खुशी व्यक्त गरे। आफ्नै खर्चमा श्रमदानकालागि उनीहरु मौजा पुगेका थिए। बेलायती नागरिकले विद्यालयका लागि श्रमदान मात्रैगरेन् उनीहरुले आफैले रकम संकलन गरी विद्यालय वरपर बृक्षारोपण गरी ७०वटामा ट्रिगार्ड समेत लगाइदिएका छन्।

बालुवा चाल्ने, ढुङ्गा बोक्ने, रङग लगाउने र सिडी बनाउने काम गरे
विद्यालयका प्रधानाध्यापक मणिराज परियारले भने – ‘उनीहरुले मेहनत र अनुशासनका
साथ भवन निर्माणमा सहयोग गर्दा हामी खुशी भयौ।’

११ कोठामा पठन÷पाठन भइरहेपनि विद्यालय भवन जिर्ण बनेका कारण अहिले
विद्यालयमा चार कोठे पक्कि भवन निर्माणाधिन अवस्थामा छ। पाहार ट्रष्टको ८० र
स्थानीय समुदायको २० प्रतिशत लगानीमा भवन निर्माण गर्न लागिएको ट्रष्टका
महासचिव बिजुलीबहादुर गुरुङको भनाई छ। भवन निर्माणका लागि झण्डै ६५ लाख
५० हजार खर्च लाग्ने अनुमान छ। आउँदो फागुनसम्ममा भवन निर्माण सक्ने
विद्यालयको योजना छ।

एक सय ५० जना विद्यार्थी अध्ययन गरिरहेको हिमालय माविको आर्थिक स्रोत
नहुदाँ विद्यालय संचालनमा कठिनाई भैरहेको छ। पाहार
ट्रष्टले दुर्गम क्षेत्रमा शिक्षा र स्वास्थ्यका लागि काम गरिरहेको छ। हालसम्म दुई
सयभन्दा बढि योजनामा काम गरको पाहार ट्रष्ट नेपालका प्रमुख कार्यकारी छवि
गौडेलले जानकारी दिए।

मौजा पुगेका बेलायती नागरिकलाई आँटीघर आमा समूहले दुई दिनसम्म
स्थानीय कला र संस्कृति पनि देखाए। उनीहरुकै सम्मानमा दुई दिनसम्म सांस्कृतिक
कार्यक्रम गरियो। नेपाली मौलिक कला र संस्कृतिमा उनीहरु खुव रमाए फर्किए।

Related News

सम्बन्धित समाचार

  • लमजुङका ७६ प्रतिशत पानीमा इकोली

    रासस असार १८, २०७९
    लमजुङ, १८ असार (रासस)ः पहाडी जिल्ला लमजुङका ७६ प्रतिशत खाने पानीमा इकोली अर्थात् दिसा मिसावाट भएको पाइएको छ । जिल्लाका…
  • नेल्टाको तालिम शुरु

    राष्ट्र न्यूज सम्वाददाता असार १३, २०७९
    पोखरा, १३ असार । नेपाल पशु स्वास्थ्य सेवा प्राविधिक संघ (नेल्टा) गण्डकी प्रदेशको आयोजनामा पोखरामा पशु प्रजनन् तथा कृत्रिम गर्भाधान…
  • कास्की काँग्रेसको बैठक, विभिन्न निर्णय

    राष्ट्र न्यूज सम्वाददाता असार १२, २०७९
    पोखरा, १२ असार । नेपाली काँग्रेस कास्कीको शनिवार सम्पन्न बैठकले विभिन्न निर्णयहरु गरेको छ । नेपाली काँग्रेस कास्की सभापति किशोरदत्त…
  • विपद्जन्य घटनामा सजगता अपनाउन महानगरको आग्रह

    रासस असार १२, २०७९
    कास्की, १२ असार (रासस) :अविरल वर्षापछि पोखरा महानगरपालिकाका विभिन्न स्थानमा डुबान तथा पहिराले भौतिक क्षति भएपछि वर्षाका कारण आउन सक्ने…
  • एकता सामुदायिक क्लबको अध्यक्षमा गणेश

    राष्ट्र न्यूज सम्वाददाता असार ५, २०७९
    पोखरा, ५ असार । पोखरा–२० भलामस्थित एकता सामुदायिक क्लबको प्रथम अधिवेशनले गणेश बस्नेतको अध्यक्षतामा नयाँ कार्यसमिति चयन गरेको छ ।…