कास्कीका तीनै क्षेत्रमा काँग्रेसको चुनावी माहौल

राष्ट्र न्यूज सम्वाददाता
कार्तिक २४, २०७४
DSC00057

पोखरा, २४ कात्तिक । प्रतिनिधिसभा र प्रदेशसभा सदस्यमा उम्मेदवारी दिएका नेपाली काँग्रेस कास्कीका उम्मेदवारहरुलाई जिताउनका लागि नेपाली काँग्रेस कास्कीले प्रचारलाई तिव्रता दिएको छ ।

नेपाली काँग्रेस कास्कीले उम्मेदवारहरुका लागि प्रचार तालिका नै बनाएर प्रचारप्रसारलाई तिव्रता दिएको हो ।

प्रदेश र प्रतिनिधिसभामा उम्मेदवारी दिएका कास्की काँग्रेसका ९ जना प्रत्यक्ष सहित समानुपातिक उम्मेदवारहरुलाई समेत हामीले सेड्युल उपलब्ध गराईसकेका छौँ’ नेपाली काँग्रेस कास्कीका कार्यवाहक सभापति सुदीपमोहन भट्टराईले भने – ‘एकदमै व्यवस्थित तरिकाले उहाँहरुको घरदैलो र चुनावी सभाको तयारी गरेका छौँ ।’

नेपाली काँग्रेस क्षेत्र नं १(ख) कास्कीले पनि घरदैलोलाई तिव्र पारेको छ। मङ्गलबार पोखरा लेखनाथ महानगरपालिका वडा नं १० मा घरदैलो गरेको काँग्रेसले बुधबार वडा नं १२ र बिहीबार वडा नं १३ मा घरदैलो गरेको निर्वाचन परिचालन समितिकी संयोजक सरस्वती गुरुङले जानकारी दिईन्।

घरदैलोमा कानुन मन्त्री तथा क्षेत्र नं १ प्रतिनिधिसभा सदस्य उम्मेदबार यज्ञबहादुर थापा, कास्की जिल्ला सभापति एवं प्रदेश १(ख)का उम्मेदबार कृष्ण केसी, क्षेत्र नं १ का सभापति बृजमान गुरुङ लगायतका नेता तथा कार्यकर्ता सहभागि थिए।

यसैवीच, पोखरा लेखनाथ महानगरपालिका वडा नं १२ पुरानोधारामा स्थापना गरिएको इकाइको प्रचार कार्यालय पनि उद्घाटन गरिएको छ।

कार्यक्रममा कानुन मन्त्री एवं क्षेत्र नं १ का प्रतिनिधिसभा उम्मेदबार यज्ञबहादुर थापाले लोकतन्त्र जनताको चाहाना भएको उल्लेख गरे। उनले काँग्रेसले मात्र मुलुकको हित गर्न सक्ने दावी गरे।

नेपाली काँग्रेसका आमन्त्रित केन्द्रीय सदस्य कुमार खड्काले ढुक्क भएर काँग्रेसमा मतदान गर्न आग्रह गरे।

कास्की काँग्रेसका सभापति एवं प्रदेश १(ख)का उम्मेदबार कृष्ण केसीले राष्ट्रसेवा र जनसेवाका लागि समर्पित भएर लाग्ने बताए।

त्यसअवसरमा समानुपातिक उम्मेदबार रसकुमारी गुरुङ, काँग्रेस क्षेत्र नं १ कास्कीका सचिव कृष्ण कोइराला लगायतले बोलेका थिए।

नेपाली काँग्रेस क्षेत्र नं २ को सम्पर्क कार्यालय उद्घाटन गरिएको छ। कार्यालयको उद्घाटनगर्दै नेपाली काँग्रेसका आमन्त्रीत केन्द्रीय सदस्य कुमार खड्काले देशको गतिशिलताका लागि काँग्रेसको विकल्प नभएको उल्लेख गरे ।

तलब भत्ता लिन्न – चालिसे

नेपाली काँग्रेसका नेता तथा कास्की क्षेत्र नम्बर २ का प्रतिनिधीसभा सदस्य उम्मेदवार देवराज चालिसेले चुनाव जितेपछि सांसदको तलवभत्ता नलिने घोषणा गरेका छन् ।

क्षेत्र नम्बर २ को चुनावी प्रचार कार्यालय उद्घाटन समारोहलाई सम्बोधन गर्दै उनले सांसदको लागि आउने तलवभत्ता पूरै वालवालिकाको शिक्षा र पोखराको विकासका क्षेत्रमा खर्च गर्ने प्रतिबद्धता जनाए ।

कास्की क्षेत्र नम्बर २ (ख)का प्रादेशिक उम्मेदवार गुरुप्रसाद बरालले वाम गठबन्धनबाट संविधान कार्यान्वयनमा ब्यवधान खडा भएको बताए । उनले दुवै कम्युनिष्ट पार्टीले ४ पटकसम्म सरकारको नेतृत्व गर्दा देशलाई गति दिन नसकेको भन्दै संविधान विरोधी पार्टीलाई जनताले मतबाटै पाखा लगाउने बताए ।

कास्की क्षेत्र नम्बर २ प्रदेशसभा (ख) का उम्मेदवार विन्दुकुमार थापाले २०७० मा ब्यहोरेको क्षति अहिलेको चुनावले फर्काउने बताए । स्थानीय चुनावमा पनि हामी पराजीत भयौं, उनले भने–सबै चुनावको सावा ब्याज सहित अहिले फर्काउने बेला आएको छ । हामी क्षति असुल गरिछाड्छौं ।’

नेपाली काँग्रेस कास्की क्षेत्र नम्बर २ बाट समानुपातिक प्रतिनीधि सभाका उम्मेदवार आनन्दराज मुल्मीले कम्युनिष्टका चिल्ला कुराले देशमा खतरा निम्त्याएको बताए । गठबन्धन अनैतिक प्रकृतिको भएको भन्दै उनले एमालेसँग राजनीतिक सिद्धान्त नभएको बताए ।

त्यस्तै निर्वाचनलाई लक्षित गर्दै नेपाली काँग्रेस कास्की वडा नम्बर ८ मा कार्यकर्ता भेला भएको छ।

नेपाली काग्रेस कास्की क्षेत्र नं १ मा पनि काँग्रेसका उम्मेदवारहरुले घरदैलो कार्यक्रम शुरु गरेका छन् । त्यस्तै, कास्की क्षेत्र नम्बर ३ पनि काँग्रेसका उम्मेदवारहरु प्रचारमा खटिएका छन्।

प्रतिनिधिसभाका प्रत्यक्ष उम्मेदवार शुक्रराज शर्मा सहित प्रादेशिक उम्मेदवारहरु शारदा पौडेल, शिकन्दर गुरुङ ‘भोजबहादुर’ र अन्य समानुपातिक उम्मेदवारहरु पनि भोट अपिल गर्दै आफ्नो क्षेत्रमा दौडधुप गरिरहेका छन् ।

Related News

सम्बन्धित समाचार

  • मन्त्रालय नपाएसम्म मुख्यमन्त्रीलाई सघाउँछुः डोवाटे

    राष्ट्र न्यूज सम्वाददाता कार्तिक ५, २०७८
    पोखरा, ५ कात्तिक । गण्डकी प्रदेशका विना विभागीय मन्त्री डोवाटे विश्वकर्माले मन्त्रालयको जिम्मेवारी नपाएसम्म मुख्यमन्त्रीलाई सघाउने बताउनु भएको छ ।…
  • मुख्यमन्त्री पोखरेल मन्त्रालयको अनुगमनमा

    राष्ट्र न्यूज सम्वाददाता कार्तिक ५, २०७८
    पोखरा, ४ कात्तिक । गण्डकी प्रदेशका मुख्यमन्त्री कृष्णचन्द्र नेपाली पोखरेलले बिहीबार प्रदेशका मन्त्रालयहरुको स्थलगत अनुगमन गर्नुभएको छ । पोखरेल नेतृत्वमा…
  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…