पोखराका चोकका शालिकहरु पार्कमा राखिने, पृथ्वीचोकमा फेरि बनाईएको लखन थापाको शालिकको काम रोकियो

राष्ट्र न्यूज सम्वाददाता
कार्तिक १९, २०७४
Prithvichowk

गण्डक न्युज पोखरा, १९ कार्तिक  / अब पोखराको चोकमा रहेका सबै शालिकहरु पार्कमा राखिने भएको छ । पोखरा लेखनाथ महानगरपालिकाले यही योजनाका साथ पोखराको पृथ्वीचोक स्थित लखन थापामगरको शालिक रहेको आइल्याण्ड हटाएको थियो । तर मगर संघ सहित आदिवासी जनजाति संघको दबाबका कारण आकार सानो बनाएर निर्माण कार्य सुरु भएको थियो । अहिले सकिनेबेला यो काम पनि रोकिएको छ ।

एक दिन शालिक छोपिएकोमा फेरि अहिले खोलिएको छ । सुरक्षाकर्मीले सुरक्षा दिएका छन् । पृथ्वीनारायण शाहको शालिक स्थापना गर्नुपर्ने माग राखी आन्दोलन गर्दै आएको पृथ्वीनारायण साह शालिक पुनःस्थापना संघर्ष समितिले महानगरपालिका अगाडि नै अनसन बसेपछि अनसन टुंग्याउन अर्को सहमति गरेको हो ।

समिति र महानगरपालिकाबीच पोखराका सबै चोकका शालिकहरु छुट्टै पार्कमा राख्ने सहमति भएको थियो । बुधबार सहमति भए पनि अनशन भने तोडिएको थिएन । सहमति अनुसार काम नगरेको बताउँदै बिहीबारदेखि पोखरा महानगरपालिकाको मुल गेटमा समितिले चाबी लगाएपछिपृथ्वीचोकमा भइरहेको सहिद लखन थापाको शालिक पुननिर्माण रोकिएको थियो ।

तालाबन्दीपछि थापाको शालिक पुनःनिर्माण रोकिएलगत्तै अनशन तोडिएको पृथ्वीनारायण शाहको शालिक पुनः स्थापना संघर्ष समितिका अध्यक्ष शंकर खरालले जानकारी दिए । पोखराको चोकमा भएका शालिक पोखरा१८ को जामुनाबोटमा १ सय रोपनी क्षेत्रफलमा राष्ट्रिय विभूति एवं सहिद पार्क बनाउने सहमति भएको छ । पृथ्वीचोकमा निर्माणाधीन रहेको शहिद थापाको शालिक वरिपरिको बार हटाउने सहमतिसमेत भएको संघर्ष समितिले उल्लेख गरेको छ ।

आर्थिक वर्ष २०७४/७५ भित्र पार्क निर्माण गरेर थापाको शालिक हटाउने सम्झौता भएको छ, खरालले भने । पोखरा महानगरपालिकाका मेयर मानबहादुर जिसी र पृथ्वीनारायण शाहको शालिक पुनः स्थापना संघर्ष समितिका अध्यक्ष शंकर खरालले सहमति पत्रमा हस्ताक्षर गरेका छन् । शालिक स्थापना गर्ने जामुनेबोटमा विकासको पूर्वाधार नभएको कारण पार्क बनाउनसमय लाग्ने संघर्ष समितिले बताएको छ ।

पोखराका अन्य चोकमा भएका शालिकहरु पनि उक्त स्थानमा स्थानान्तरण गरिने छ । शालिक निर्माणमा लाग्ने सम्पूर्ण खर्च महानगरपालिका व्यहोर्ने छ ।

संघर्ष समितिले २० गतेसम्म अनशन बस्ने २० गते महानगरपालिकाको परिसरमा राँके जुलुस बाल्ने र कात्तिक २१ गतेदेखि अनिश्चतकालीन पोखरा बन्द गर्ने भएको सार्वजनिक गरेको कार्यक्रम फिर्ता लिएको छ ।

यसअघि आदिवासी जनजातिसँग पोखरा लेखनाथ महानगरपालिकाले यस्तो सहमति गरेको थियो ।

Related News

सम्बन्धित समाचार

  • मध्यपहाडी राजमार्ग : ९५ प्रतिशत काम सकियो

    रासस असाेज २७, २०७८
    कृष्ण दवाडी कास्की, २७ असोज (रासस) ः राष्ट्रिय गौरवको निर्माणाधीन मध्यपहाडी(पुष्पलाल) राजमार्गको कास्की पश्चिम खण्डअन्तर्गत पोखरा महानगरपालिका–२५ याम्दीदेखि घट्टेखोलासम्मको निर्माण…
  • एन प्याव्सन कास्कीको साधारण सभा

    राष्ट्र न्यूज सम्वाददाता असाेज २६, २०७८
    पोखरा, २६ असोज । एन प्याव्सन कास्कीको वार्षिक साधारण सभा सम्पन्न भएको छ । कार्यक्रममा बोल्दै प्रमुख अतिथि एन प्याव्सनका…
  • पोखराका व्यस्त चोकमा ‘हाइमास्ट लाइट’ जडान हुँदै

    रासस असाेज २६, २०७८
    कास्की, २६ असोज (रासस) । भौगोलिक रुपमा देशकै ठूलो पोखरा महानगरपालिकाका सडकका मुख्य र व्यस्त चोकमा स्मार्ट सडक बत्ती र…
  • महानगरद्वारा खसी बजार अनुगमन

    रासस असाेज २५, २०७८
    कास्की, २५ असोज (रासस) । पोखरा महानगरपालिकाले बजार अनुगमन सुरु गरेको छ । बजारमा दसैँको किनमेल गर्नेको भीड बढेको र…
  • अत्याधुनिक सेवा सहित केशर मेडिस्पा चौथो वर्षमा

    राष्ट्र न्यूज सम्वाददाता असाेज २२, २०७८
    पोखरा, २२ असोज । पोखरा महानगरपालिका वडा नं. ५ पस्र्याङस्थित केशर मेडिस्पाले आफ्नो स्थापनाको चौथो वार्षिकोत्सव मनाएको छ । संस्थाका…