प्याराग्लाइडिङ व्यवसायीले डेढ करोड तिर्न बाँकी, नतिरे उडान बन्द गर्ने महानगरको चेतावनी

Avatar राष्ट्र न्यूज सम्वाददाता
कार्तिक ९, २०७४
fewa-paragliding

पाेखरा, ९ कार्तिक / प्याराग्लाइडिङ व्यवसायीले ३ वर्षदेखि पोखरा लेखनाथ महानगरपालिकालाई कर बुझाएका छैनन् । व्यवसायीले महानगरपालिकालाई डेढ करोड रुपैयाँ कर वापत बुझाउन बाँकी छ । ‘३ वर्षदेखि व्यवसायीले कर तिरेका छैनन्,’ महानगरपालिका कर अधिकृत शिवहरी शर्माले भने–‘ व्यवसायीको संस्थाको नवीकरण गरिएको छैन्, रोक्का गरिएको छ ।’ उनका अनुसार ३ वर्षदेखिको १ करोड ५० लाख रुपैयाँ कर बुझाउन बाँकी छ ।  समाधान दैनिकमा खबर छ ।

पटक पटक ताकेता गर्दा पनि व्यवसायी कर तिर्न नआएको महानगरले बताएको छ । व्यवसायीले अब कर नतिरे महानगरले प्याराग्लाइडिङ उडानमै रोक लगाउने भएको छ । व्यवसायीले कर तिर्न अटेर गरेका कारण महानगर कडा रुपमा प्रस्तुत हुन लागेको हो । कर अधिकृत शर्माले व्यवसायीलाई बोलाएर छलफल गरिने र कर नतिरे उडान रोकिने बताए । ‘एक दुई दिनमा उनीहरुलाई बोलाउछौ र बस्छौ, त्यसपछि कडा कदम चाल्न बाध्य हुन्छौ ।’

पोखरा लेखनाथ महानगरपालिकाको राजस्व परामर्श समितिको बुधबार बसेको बैठकमा गम्भीरताका साथ छलफल भएको थियो । आर्थिक वर्ष २०७४÷७५ को पहिलो चौमासिक बजेटको समीक्षा गर्दै कर नउठेका क्षेत्रमा कडा रुपमा प्रस्तुत हुने निर्णय गरेको छ । पहिलो चौमासिकमा कर संकलनको लक्ष्य भन्दा कम भएको निष्कर्ष निकाल्दै कर संकलनका लागि कडा रुपमा प्रस्तुत हुने निर्णय गरेको छ ।

पोखरा लेखनाथ महानगरपालिका उपप्रमुख एवं राजस्व परार्मश समितिका संयोजक मञ्जुदेवी गुरुङको अध्यक्षतामा बसेको बैठकले प्याराग्लाइडिङ व्यवसायीसँग बक्यौता रकम उठाउने निर्णय गरेको हो । व्यवसायीले कर तिर्नुपर्छ उनले भनिन–‘लामो कर नतिर्ने कुरा त हुदैन्, अब महानगरपालिकाले कर नतिर्ने सबैसँग कडाइका साथ प्रस्तुत हुन्छ ।’

यसैबीच प्याराग्लाइडिङ उडान क्षेत्रको अवलोकन गरिएको छ । राजस्व परामर्श समितिको बैठक सकिएपछि पोखरा लेखनाथ महानगरपालिका उपमेयर मञ्जुदेवी गुरुङ, कार्यकारी अधिकृत दीर्घनारायण पौडेल, वडा नम्बर १८ का वडा अध्यक्ष रणबहादुर थापा, महानगरपालिका लेखा अधिकृत वसन्तराज सिग्देल र कर अधिकृत शिवहरी शर्माले सहितको टोली सराङकोट पुगेर प्याराग्लाइडिङ उडान भइरहेको क्षेत्रको अवलोकन गरेको उपमेयरका प्रेस सहयोगी एकराज गिरीले जानकारी दिए ।

प्याराग्लाइडिङ व्यववसायीले कसरी उडान गरि रहेका छन् भन्ने विषयमा जानकारी लिने उद्देश्यले अवलोकन गरिएको महानगरका कार्यकारी अधकिृत दिर्घनारायण पौडेलले बताए ।

Related News

सम्बन्धित समाचार

  • फेरि होला लकडाउन ?

    Avatar राष्ट्र न्यूज सम्वाददाता चैत्र ११, २०७७
    काठमाडौं : कोरोना भाइरस संक्रमण रोकथाम तथा नियन्त्रण गर्न लकडाउन गरिएको एक वर्ष पूरा भएको छ। सरकारले ठीक एक वर्षअघि चैत ११…
  • राष्ट्रपति भण्डारी बंगलादेश जाने

    Avatar राष्ट्र न्यूज सम्वाददाता फागुन २८, २०७७
    राष्ट्रपति विद्यादेवी भण्डारीले छिमेकी मुलुक बंगलादेशको भ्रमण गर्ने भएकी छन् । भण्डारीले चैत ९ र १० गते बंगलादेश भ्रमण गर्ने…
  • फेरी बढ्यो पेट्रोलियम पदार्थको मूल्य

    Avatar राष्ट्र न्यूज सम्वाददाता फागुन १८, २०७७
    भारतीय आयल निगमले पेट्रोलियम पदार्थको मूल्य फेरि बढाएर पठाएको छ। आइओसीले सोमबारदेखि लागू हुने गरी पेट्रोलियम पदार्थको मूल्य बढाएर पठाएको…
  • आज श्रीस्वस्थानी व्रत सकिदै

    Avatar राष्ट्र न्यूज सम्वाददाता फागुन १५, २०७७
    पोखरा, १५ फागुन । पौष शुक्ल पूर्णिमा दिनबाट शुरु भएको श्रीस्वस्थानी व्रत आज सकिदै छ । आजबाट श्रीस्वस्थानी परमेश्वरीको पुस्तकलाई…
  • बर्ड फ्लुको उच्च जोखिम

    Avatar राष्ट्र न्यूज सम्वाददाता फागुन १४, २०७७
    छिमेकी  जिल्ला सुर्खेतमा   समेत   बर्डफ्लु   भेटिएपछि   बाँके जिल्ला  सो रोगको  अत्यधिक  जोखिममा  रहेका बेलासमेत  भारतबाट  अवैध…