पोखरामा सडक फराकिलो पार्ने अभियानमा पालिखेचोकका स्थानीयको अवरोध

Avatar राष्ट्र न्यूज सम्वाददाता
कार्तिक ८, २०७४
Palikhechowk

पोखरा, ८ कार्तिक / बाटाचौबाटा चौडा पार्ने अभियानमा लागेको पोखरा महानगरपालिकाले पालिखेचोकको सार्वजनिक चौताराको रुख काट्न अवरोध झेलेको छ । मंगलबार वन कार्यालय कास्की र महानगरको संयोजनमा रुखका हाँगाबिगा काट्नगएको टोलीले स्थानीयको अवरोध झेलेको हो । समाधान दैनिकका लागि गोविन्द सुवेदीको न्युज छ । 

पहिले निजी घर जग्गाको मुआब्जा दिनुपर्ने र एकैपटक सबै भत्काउन दिने भन्दै स्थानीयले रुख काट्न अवरोध गरेका हुन् । महानगरका वडा नम्बर ४का अध्यक्ष शंकर बास्तोला, ३का अध्यक्ष रवीन्द्रबहादुर प्रजु र ९का अध्यक्ष रामराज लामिछानेसहितको टोली चौतारीको रुख ढाल्न गएकोमा त्यत्तिकै फर्कनुपरेको हो । ट्राफिक प्रहरी यातायातका साधनव्यवस्थापन गर्न खटिइसकेको अवस्थामा रुख काट्न काम रोकिएको हो । ‘हामी रुखका हाँगा काट्न गएका हौं, स्थानीयको अवरोध भयो अनि त्यसै फर्कियौं,’वडा नम्बर ४का वडाध्यक्ष बास्तोलाले भने ।

पालिखे चोकको सडक ४० वर्षदेखि प्रयास गर्दा पनि चौडाहुन सकेको छैन ।त्यहाँ निजीर सार्वजनिक जमिनमा गरी ६ घर छन् । सार्वजनिक जमिनमै चौतारी पनि छ ।

सडकफराकिला बनाउन र मापदण्ड कायम राख्न महानगरका मेयर मानबहादुर जिसीले वडाध्यक्ष शंकर बास्तोलालाई संयोजक तोकेर जिम्मेवारी यसअघि नै दिएका थिए ।बास्तोलाकै नेतृत्वमा अहिलेसम्म दर्जनभन्दा धेरैपटक सरोकारवालासँग छलफल भएपनि पालिखेचोक चौडा पार्ने विषयमा निकास निस्कन सकेको छैन ।

मंगलबाररुख काट्नैअवरोध भएपछि मेयर जिसीले पुन चासो लिँदै वडा नम्बर ३ र ९का वडाध्यक्ष सदस्य रहनेगरी बास्तोलालाई नै संयोजक तोकेर १५ दिनभित्र निकास निकाल्न निर्देशन दिए । ‘मेयर साबले १५ दिनको समय दिनुभएको छ,’ स्रोतले समाधानसँग भन्यो, ‘निकास ननिस्के स्थानीय तह सञ्चालन ऐन २०७४ बमोजिम महानगरले आफ्नो प्रक्रिया थाल्छ र सडक चौडा गर्छ ।’

पोखरा लेखनाथका वडा नम्बर ३ र ९ मासडकबीच पर्ने मिश्री उदास, दूधमान उदास र बसन्त उदासको नाममा रहेको ढुंगामाटोको घर, प्रदीपशंकर पालिखेको नाममा रहेको २ तले घर, किशोरादेवी श्रेष्ठ र कृष्णमान श्रेष्ठको नाममा रहेको निजी जमिनमा बनेका कच्ची घर र सार्वजनिक जग्गामा बनाइएको एउटा अर्को घरसहित ६ घर त्यहाँ छन् ।तिनै घरको बीच चौतारामा रहेको रुख ढाल्ने प्रयास हुँदा मंगलबार अवरोध भएको हो । त्यहाँका घर केही जीर्णसमेत छन् भने पुन निर्माणका लागि मापदण्डका कारण नक्सा पास नहुने महानगर स्रोतले जानकारी दियो ।

घर भत्काउन प्रचलित नियम अनुरुप मुआब्जा दिन महानगर तयार रहेको संयोजक बास्तोलाले जानकारी दिए । जग्गाधनीले सट्टामा उपयुक्त जग्गा दिनुपर्ने माग राखेकोमा महानगरले सट्टामा जग्गा दिन नसक्ने प्रष्ट्याएको छ । महानगरसँग जग्गा नभएको भन्दै महानगरले जग्गा दिन नसक्ने प्रष्ट्याएको हो ।

पोखरा उपत्यका नगर विकास समितिमा २ पटकसम्म अध्यक्ष भइसकेका पोखरा उद्योग वाणिज्य संघका पूर्व अध्यक्ष अशोक पालिखेले बिनातयारी र सल्लाह नै नगरी आएकाले आफूहरुले फर्काइदिएको बताए । ‘मुआब्जा देऊ, भत्काऊ हामी भनेकै छौं,’उनले भने, ‘सुकुम्बासीको जस्तो गरी निजी संरचना भत्काउने केही बौद्धिक र प्रबुद्धशाली व्यक्तिहरुले व्याख्या र टिप्पणी गरेको सुनेको छु, त्यस्तो होइन ।’

वडा नम्बर ४का वडाध्यक्ष बास्तोलाले रुखको हाँगा काट्न मात्र गएको बताएपनि पालिखेले चौतारो र सार्वजनिक जग्गामा रहेको इँट्टाले बनेको भवन भत्काउनआएको दाबी गरे । ‘सार्वजनिक जग्गामा महेन्द्रपुल स्पोर्टस् क्लबको भवन छ,त्यो भवन र चौतारो मात्र किन भत्काउने?’ उनले भने, ‘भत्काउने नै हो भने निजीलाई पनि मुआब्जा दिएर एकैपटक भत्काऊ भनेका हौं ।’

(शीर्षक परिवर्तन गरिएको छ)

Related News

सम्बन्धित समाचार

  • भावी समीकरणमा कांग्रेस निर्णायक

    Avatar राष्ट्र न्यूज सम्वाददाता फागुन १३, २०७७
    नेकपा विभाजन ओलीकै कारणले मात्रै हुन सक्छ भन्ने बुझाइले देउवाले उनीसँगकै सहकार्यलाई प्राथमिकता दिँदै आएका छन् संसदीय प्रक्रियालाई अघि बढाउने…
  • कोरोना उपचारमा खटिने रित्तै, अन्यले लिए भत्ता

    Avatar राष्ट्र न्यूज सम्वाददाता फागुन १०, २०७७
    काठमाडौँ — कोरोना संक्रमितको उपचारमा संलग्न देशभरका स्वास्थ्यकर्मी सरकारले तोकेको जोखिम भत्तासमेत नपाएको भन्दै आन्दोलनमा छन् । स्वास्थ्य मन्त्रालयका पदाधिकारी र…
  • लायन्स क्लबद्वारा वृक्षरोपण

    Avatar राष्ट्र न्यूज सम्वाददाता श्रावण ४, २०७७
    पोखरा, ४ साउन । लायन्स क्लब अफ पोखरा माउन्टेन भ्युसिटिले वृक्षरोपण गरेको छ । क्लबले पोखरा १९ पुरुन्चौरस्थित धारा आधारभूत…
  • तीन तहका सरकार असफल भएको कास्कीका पाँच दलको ठहर

    Avatar राष्ट्र न्यूज सम्वाददाता जेठ २८, २०७७
    पोखरा, २८ जेठ । कास्कीका पाँच राजनीतिक दलले तीन तहका सरकार कोरोना नियन्त्रण, रोकथाम र आवश्यक व्यवस्थापनमा असफल भएको ठहर…
  • कास्की काँग्रेसद्वारा गिरफ्तार विद्यार्थी रिहा गर्न माग

    Avatar राष्ट्र न्यूज सम्वाददाता श्रावण १, २०७६
    नेपाली काँग्रेस कास्कीले मङ्गलवार विज्ञप्ति प्रकाशित गरी प्रहरीले गिरफ्तार गरेका नेपाल विद्यार्थी संघका विद्यार्थी नेतालाई तत्काल रिहा गर्न माग गरेको…